Акыркы кабарлар
» Коом » Москва шаарында коронавирус жуктурган дагы 20 адам аныкталды
Москва шаарында коронавирус жуктурган дагы 20 адам аныкталды
17-март, 12:06
Россиянын борбору Москва шаарында коронавирус жуктурган дагы 20 адам аныкталды. Бул тууралуу орусиялык басылмалар инфекция менен күрөшүү ыкчам штабына таянып жазып чыгышты.
Москвада коронавирус жуктурган 20 адамдын арасында ымыркай да бар. Ал инфекциянын жеңил түрү менен ооругандыктан, абалы жакшы. Коронавируска кабылгандардын дээрлик баары Европадан келгендер. Жаңы катталган 20 адамдын бири буга чейин Covid-19 аныкталган адам менен чогуу бир каттамда келгени маалым болду. Калган үчөө жуктуруп алган адам менен байланышта болушкан. Бул 20 кишинин айланасындагы адамдар да аныкталып, аларды да вируска текшеришүүдө. Жалпысынан Москва шаарында вирус жуктурган 53 адам катталган.
