Россияда февралдан тарта нан кымбатташы мүмкүн

26-январь, 11:47

1 010 ᠌ ᠌ ᠌ ᠌᠌ ᠌ ᠌᠌

Россиянын нан өндүрүүчүлөрү февраль айынан тарта нан азыктарынын баасы кескин кымбаттайт деген эскертүү берди.

Россиядан чыккан РБК басылмасы өлкөдөгү эң ири нан өндүрүүчү "Фацер" ишканасынын директорунун айткандарына таянып, нандын баасы 16,5-30%га чейин кымбаттарын жарыялады.

Аталган компания бул маалымат тууралуу кеңири түшүндүрмө бербей, ун, транспорт, нанды орогонго кеткен каражаттар кымбат болгондуктан, баа өсүшү мүмкүн экенин билдирди. Нанга карата баанын өсүшүн Иркутск облусунун "Коломенский" холдингинин жетекчиси Дмитрий Козлов да тастыктады.

Россиянын айыл чарба министрлиги бул маалыматтарды жокко чыгарып, былтыр инфляция айыл чарба тармагында 10% көтөрүлгөнүн билдирди.