Акыркы кабарлар
» Коом » Кара түтүнгө каршы күрөшүү боюнча өзгөчө комиссия түзүлдү
Кара түтүнгө каршы күрөшүү боюнча өзгөчө комиссия түзүлдү
17-ноябрь, 20:05
Министрлер кабинети абанын булганышына каршы күрөшүү боюнча өзгөчө комиссия түздү. Мекемелер аралык өзгөчө комиссия Бишкек шаарындагы абанын булганышын иликтеп, жарандардын ден соолугун сактоо боюнча токтоосуз чараларды ыкчам кабыл алат.
Өзгөчө комиссиянын курамына мамлекеттик жана жергиликтүү өз алдынча башкаруу органдарынын өкүлдөрү кирген. Аларга Бишкек шаарынын мэри Айбек Жунушалиев жетекчи болуп бекитилди.
Министрлер кабинети жарандардын, айрыкча балдардын, кары-картаңдардын жана өнөкөт оорусу бар адамдардын ден соолугун абанын булгануусунан коргоо боюнча максималдуу чараларды көрүүнү убадалады.
