Акыркы кабарлар
» Коом » Ат-Башы району көмүрсүз калдыбы?
Ат-Башы району көмүрсүз калдыбы?
10-ноябрь, 19:24
“Супер инфонун” “Элдик кабар” бөлүмүнө Нарын облусунун Ат-Башы районуна караштуу Ача-Кайыңды айылынын тургуну кайрылган. Тургун аталган айылда сатып алганга көмүр жок болуп жатканын маалымдаган.
“Ат-Башы районундагы Ача-Кайыңды айылындагы ар бир үйдүн электр мамычаларына РЭС тарабынан “жучоктор” коюлду. Эл көмүр менен толук камсыз боло элек. 82 жаштагы оорукчан атабыз бар. “Көмүр алгычакты коё тургула” деген суранычыбызды угушкан жок. Колубузда акчабыз туруп, көмүр ала албай жатабыз. Районго көмүр келип жатат, бирок келгенин эл алып, айылыбызга жетпей калууда” деп кайрылган окурман.
