Акыркы кабарлар
» Коом » Өлкөдө сейил бактардын, кафе-ресторандардын, көчөлөрдүн чырактары өчүрүлөт
Өлкөдө сейил бактардын, кафе-ресторандардын, көчөлөрдүн чырактары өчүрүлөт
29-сентябрь, 20:26
Өлкөдө сейил бактардын, кафе-ресторандардын, көчөлөрдүн жана жарнактардын чырактары өчүрүлөт. Бул тууралуу улуттук “Энергохолдинг” компаниясынын маалымат кызматынан «Биринчи радиого» билдиришкен.
Ага ылайык, мындай чечим электр энергиясын сарамжалдуу пайдалануу максатында кабыл алынган. Мындай өчүрүүлөр Токтогул суу сактагычындагы суу ресурстарын натыйжалуу пайдалануу жана келе жаткан күз-кыш мезгилинде электр энергиясын үнөмдөө максатында жүргүзүлөт.
Бүгүн, 29-сентябрда Токтогул суу сактагычындагы суунун көлөмү 12 млрд. 294 млн. кубметрди түздү. Бул тууралуу «Электрстанциялары» ишканасынын басма сөз кызматы билдирет.
Маалыматка ылайык, суунун агып келиши секундасына 266 кубметрди түзсө, агып чыккан суунун көлөмү 188 кубметрге жетүүдө.
