Индияда табигат кырсыгынан 164 адам каза болду

28-июль, 12:07

1 599 ᠌ ᠌ ᠌ ᠌᠌ ᠌ ᠌᠌

Индияда суу ташкынынын жана жер көчкүнүн кесепетинен каза болгондордун саны 164кө жетти. Бул тууралуу чет элдик басылмаларда жазылды.

Ага ылайык, куткаруучулар дээрлик 230 миңге чукул адамды эвакуациялаган.

“Махараштра штатында акыркы күндөрү муссон жамгыры катуу жаады. Мындай учур 40 жылдан бери катталган эмес. Бир нече айыл суу астында калды, өлкөнүн эң ири шаарларынын бири болгон Мумбай штатынын борборун катуу суу каптады. Аймактагы аба ырайынын начардыгына байланыштуу мобилдик байланыш жана транспорттун жетишсиздик көйгөйлөрү жаралган.

Жаратылыш кырсыгынын кесепетинен 164 адам каза болсо, жүздөгөн жарандар дайынсыз болууда” деп жазылат дүйнөлүк басылмалардын маалыматында.