Амир Закиров: “Кытай чек арасы жабылып, базарлардын кунары качты”
-- Пандемия кыйынчылыктарынан кийин экспорттун абалы, чет өлкөлөр менен соода байланышы кандай уланууда?
-- Пандемиядан, узакка созулган карантиндерден кийин акыбал акырындап оңолуп келе жатат. Бирок өтө чоң өзгөрүүлөр, жылыштар болуп кеткен жок.
Өндүрүшкө, тигүү тармактарына орустар тарабынан жакшы эле талаптар болуп жатат. Бирок ишти алып кетчү ишкерлер аз. Тигүүчүлөр да аз болууда. Кытайдан жана Түркиядан кездемелер абдан кымбат келип жатат. Кытай чек арасы жабык болгонуна байланыштуу көп нерселер базарларда жок. Болгондорунун да баасы көтөрүлүүдө.
Экспортту жогорку деңгээлге көтөрүү үчүн чоң тигүү цехтерин, компанияларды Россия аркылуу түздөн-түз каржылоо жолдорун тапсак, өндүрүштө жылыштар болуп, экономикабызга да жакшы салымдар кошулмак.
Жамиля Нурманбетова
"Азия Ньюс" гезити
