Элдар Абакиров: “Мындай жүрүштө Кыргызстандан таза шайлоону көрбөйбүз”
-- Элдар мырза, “Реформа” партиясы менен шаардык кеңешке аттанып, шайлоонун кандай өткөнүнө күбө болдуң. Кыскача баа бере кетсең?
-- Бул шайлоо деле Жогорку Кеңештерге болуп жүрчү шайлоону кайталагандай болду. Акча көп таратылды. “Клуб”, “Общее дело” деген уюмдар жүздөгөн мыйзам бузууларды табышыптыр. Биз ошолорду тактап изилдеп, БШКга “шайлоодо ушундай мыйзам бузуулар болду. Мыйзам бузгандар шайлоодон четтетилсин” деген кагаз даярдап жатабыз.
Деги эле мыйзам бузуулар арбын катталды. Ошого бийлик, БШК, укук коргоо органдары мыйзам чегинде ойдогудай чараларды көрүшкөн жок да. Минтип отура берсек, Кыргызстанда таза шайлоону жакында көрбөйбүз. Акчанын күчү менен эле өтө берет. Акча аркылуу байлар, мыйзам бузгандар кайра келишип, кеткен каражатын эселеп бюджеттен, элдин ырыскысынан өндүрүп алышат.
"Азия Ньюс" гезити
