Мээ, эс-тутум үчүн кайсы суусундуктар пайдалуу?
Жаш өткөн сайын адамдар койгон буюмун таппай, дароо эле унутуп калат. Мээ мыкты иштеш үчүн ага ылайыктуу көнүгүүлөрдү жасап, аны менен кошо төмөнкү ширелер дагы пайдалуу.
1. Күнүнө үч ирет 1/3 бөлүк бадыраң суусундугун ичиңиз. Бул эстөө жөндөмдүүлүгүңүздү жакшыртат.
2. Жарым стакан сабиз менен кызылча ширесин аралаштырып ичсеңиз дагы абдан пайдалуу. Муну таң эрте ачкарын ичүү керек.
3. Кара бүлдүркөн көздүн көрүү касиетин жакшыртканын билсеңиздер керек. Ал эстутумду жакшыртууга жардам берет жана мээнин иштөө функциясын жакшыртат. Ал үчүн эртең менен жана кечинде жарым стакандан кара бүлдүркөндүн ширесин ичүү керек.
4. Эки даана чоң пиязды өткөргүчтөн өткөрүп аласыз жана анын ширесин марлиден сыгып аласыз. Даяр болгон пияздын ширесине ошончо өлчөмдөгү бал кошуп аралаштырасыз. Даяр болгон аралашманы үч маал бир чоң кашыктан колдонуу керек.
5. Грейпфрут менен алманын ширесин аралаштырып ичсеңиз дагы эстутумду жакшыртууга жардам берет. Бул ыкма менен сиз иммунитетиңизди дагы бекемдеген болосуз.
