Кызганчаак күйөөлөрдү кантип оңдосо болот?
Бул типтеги мырзалар баардык эркек аттууну өзүнө атаандаш катары көрө башташат. Анын жашы, социалдык абалы жана сырткы келбети такыр мааниге ээ болбойт. Ал жубайын базардагы сатуучудан, студенттен, коллегасынан да, пенсиялык курактагы коңшусунан да кызгана бериши мүмкүн.
Кеңеш: Эгерде жолдошуңуздун кызганчаактыгы өзүн-өзү баалоосунун төмөн болушунан улам болсо, анда аны көтөрүүгө көмөк көрсөтүңүз. Улам аны мактап туруңуз, ага суктаныңыз. Мүмкүн болсо ар күнү кечинде эртеси күнкү планыңызды айтып, кечинде отуруп алып ал жөнүндө сүйлөшүңүздөр. Дайыма досторуңузга, тааныштарыңызга күйөөңүз тууралуу жакшы гана кептерди айтыңыз. Алардын кимдир бирөөсү күйөөңүзгө бул тууралуу билдирсе, ушул нерсе да мамилеңиздердин чыңдалышына салым кошот. Ал гана эмес, өзүңүз да кызганууга өтүңүз. Улам-улам телефон чалып, кечигип келсе кайрадан сурап турсаңыз, жолдошуңуз сизден айып таап кызгангандын ордуна өзүнүн ак экенин далилдөө менен убара тартып калат.
"Азия Ньюс" гезити
