Бактылуу үй-бүлө курган эркектердин катарын толуктайсызбы?
Үй-бүлөнү бекемдөөчү бир канча факторлор бар. Айрымдары финансылык. Мисалы, үйүнүн болушу жана тамак-аш сыяктуу. Андан кийинки орундагы факторлорго бири-бирин сыйлоо, урматтоо ж.б. кирет.
Сырткы келбетине көңүл буруу
Аялыңыз менен жолуккан алгачкы күнүңүз эсиңиздеби? Келечектеги аялыңыздын колун кантип сурадыңыз эле? Бул нерселерди айтып жатканыбыздын себеби, көбүнчө эркектер үйлөнгөндөн кийин жумуш–үй болуп, зеригүү жашоо образына кирип кетет. Ал образдан чыгып, активдүү жашоо образына кириңиз.
Үй иштери
Көпчүлүк эркектер үйдүн таза болуп турушун каалайт. Дал ошонун айынан үй-бүлөлүк чыр-чатактар чыгат. Ал үчүн сиз жубайыңызга жардам иретинде үй иштерине жардам берүү, туура кеңеш узатуу менен ал маселени чечкен болосуз.
Көңүл буруу
Биз көңүлүбүздү көп нерсеге бурган жашоо ритминде жашап келебиз. Мисалы, кафе-ресторандарда отурган жубайлар бири-бирине көңүл бөлгөндүн ордуна телефондору менен алек болуп отурат. Алар ар дайым бири-бири менен байланышта, бирок ортолору өтө жакын эмес да болушу мүмкүн.
Кам көрүү
Эркек киши аялына физикалык жана эмоционалдык кам көрө билүүсү кажет. Мындай ойду алгач эркек баштоосу абзел. Айрым эркектер өзүнүн колунда турган аялынын мээримин акырындап жок кылуусуна себеп болот.
Бири-бирине мээрим төгүп, көңүл бөлгөн жубайлар бактылуу үй-бүлөнүн символу катары сыпатталат.
"Азия Ньюс" гезити
