Ар бир адам өзүн үч багытта өстүрүп туруусу шарт
· Интеллектуалдык;
· Физикалык;
· Руханий.
1) Интеллектуалдык багытта өзүн өстүрбөгөн адам жашоону татаалдаштырып алат жана эч бир койгон максатына жетпейт. Интеллектуалдык багытта өзүн өстүрбөгөн адам илимден, билимден, жаңы технологиялардан, ар кандай инновациялардан артта калып кетет. Ал эми бул нерселерден артта калган адамдар ааламдашуу процесси жүрүп жаткан биздин мезгилде аябай кыйналышат.
2) Физикалык жактан өзүн өстүрүү – адамдын ден соолугунун чың болушуна себеп болот. Жашоону маңыздуу жашап, максаттарга жетүү үчүн ден соолуктун орду чоң. Ошондуктан “40 жашка чейин чуркабаган адам 40 жаштан кийин айла жок дарыкана жана бейтапканага чуркайт” деген сөз бар.
3) Руханий жактан да өзүн өстүрүү аябай маанилүү. Анткени, жашоо бизге ар кандай сыноолорду берет. Турмуштун сыноосуна сынбоо үчүн руханий байлык топтоо абзел. Руханий бай адам турмуштун эң оор сыноолоруна да сынбайт.
Aryba.kg