Тартипти адатка айлантыңыз, ошондо жыйынтык сөзсүз келет
Ой жүгүртүү – акылдын куралы
Ийгиликке жетпей калуунун эң чоң себеби – калпыс жооп эмес, туура эмес коюлган суроо. Ар бир суроо – багыт. Эгер багыт туура болбосо, максатка жетүү мүмкүн эмес. Туура суроо бере билүү – акылмандыктын башаты!
Тартип – ийгиликтин таянычы
Көпчүлүк адамдардын максатка жетпей калышынын себеби жөнөкөй: даярдыкка убакыт бөлгүсү келбейт. Башында кыйын сезилиши мүмкүн, бирок эсиңизде болсун, жашоо – бул система. Өзүңүздү колго алыңыз, чыдамкай болуңуз, тартипти адатка айлантыңыз, ошондо жыйынтык сөзсүз келет!
Максатыңызга жеткениңизди элестетиңиз
Жетишкендигиңизди азыр эле элестетиңиз. Жумулган көзүңүз менен ошол максатыңыз ишке ашкан учурду, сезимдерди, кубанычыңызды толук элестетип көрүңүз. Мээңиз үчүн бул чындык сыяктуу. Элестетүү – ички мотивацияны ойготот, ал эми мотивация сизди токтотпой алдыга жетелейт!
"Азия Ньюс" гезити
