Кайненем урушуп, кайнатам көчөгө сүйрөп чыгарып салды
Жандүйнөм жабыркап, ордумда туралбай жаткан абалдамын. Бул окуя кайра-кайра көзүмө элестейт. Уйку жок, уйку тургай жашагым жок негедир. Бүгүн биз кайненем менен бир аз тартыша кеттик. Кайненем өзү 50 жаштагы аял. Мен биринчи келинмин. Бир балам бар, 3 ай болду. Өзүм 20 жаштамын. Кайненем ушул күнгө чейин эмне десе да, какса, урушса да баарына чыдап келгенмин. Чыдабай каяша айтып алдым. Мен каяша айтып алгандан кийин бөлмөнүн эшигин “тарс” жаап чыгып кетти. Арадан эки сааттай өтүп, чоң уруш башталды. Ажылдаган кайненем бөлмөдөгү төшөнчүлөрдү ыргытып, “кет эле кет” дей баштады.
Күйөөм болсо Казакстанда. Бири-бирибизди жакшы көрөбүз. Кетип калалбай томсоруп отурсам, кайнатам келип “жогол” деп сүйрөп чыкты. Тири шумдук түш көргөндөй болдум. Ушуну менен баары бүттүбү? Мен туура эмес кылдымбы?
Нура
