Телефон оюнунан чыгалбаган күйөөмдү качанга дейре бага берем?

18-ноябрь, 20:12

778 ᠌ ᠌ ᠌ ᠌᠌ ᠌ ᠌᠌

Эң башында мен жогорку билимдүү, сымбаттуу, акылдуу жигитке турмушка чыккам. Ооба, биз жаңы үйлөнгөн жылдары жакшы иштеп, үй-жайлуу, бала-чакалуу болдук. Сырттан караган адамга баары сонун. Бирок акыркы күндөрү күйөөм тажатып баратат. Билими боюнча мамлекеттик жумушка кирип, кайра эле айлык аздыгын айтып чыгып алды. Керээлден-кечке компьютерде, телефондо ойноп отурат. Сырттагы жашоо ал учүн кызыксыздай. Ысык-суукка карабай кечке базарда отуруп, кечинде келип түн бир оокумга чейин үй оокаты менен алектенгенден чарчап баратам. Башка эркектердей ороңдоп, оңго-солго баспаганы менен улуу баламдай болуп мени күтүп отурганы күйдүрөт. 

Замира