Күйөөм боюмдан улам алдырып салат. Мен төрөгүм келет, кантем?
Жолдошумдун экинчи аялы болом. Үч жылдан бери жашайбыз. Акыркы күндөрү кыйнала баштадым... Биринчи аялынан алты баласы бар. Мен башында күйөөмдү сүйүп калып, мээм айланып тийип алгам...
Убакыт өткөндө кийин баарын түшүнүп отурам, бирок эмне пайда? Эки жолу боюмдан түшүртүүгө күйөөм мажбурлап, аргасыз кылды. “Мага баланын кереги жок, сени менен секс үчүн гана жашайм” дейт. Көңүлүм ушунчалык калды. Баш көтөрбөй жашап келем. Мен төрөгүм келет. Балдарды чоңойтуп, энелик милдетимди аткарууга аракеттенсем да, аргасыздан андай бакытка жете албайм. Кантем? Андан кетип калууга эрким жетпейт, корком дагы. Келечегим эмне болот?..
Эмне үчүн күйөөм мынчалык таш боор? Жеке кумары үчүн оор күнөөгө батууда. Балалуу болуу үчүн кантип көндүрсөм болот?..
Сымбат К.
Aryba.kg