Мээримсиз күндөргө улай күйөөмдүн досун жактырып калдым
Жашоомдогу дагы бир көңүлсүз, букка толгон жылды узатаар мезгил келди. Кыштын узак жана муздак түнү. Бакытка толбогон, мээримден, сүйүүдөн куржалак калган кайран жаштыгым артта калып баратат.
Турмушка чыккам, бала-чакалуу болдум, Кудайга шүгүр. Бирок жолдошумдан мээрим, бакыт да алалбадым. Жүрөгүндө башка адам бардай күйөөм мени менен иши жок, кааласа келет, каалабаса келбейт. Бактылуу жашаганга болгон аракетимди көрдүм. Бактылуу боло албадык. Азыр баарынан чарчаган, кайдыгер жанмын.
Эмнегедир акыркы күндөрү жашоомдо канат байлагандаймын. Аял болгондон кийин эркектин мээрими керек экен. Мен күйөөмдүн досун жакшы көрүп калдым, эч оюман кетпейт. Күйөөм менен кол үзбөйм, бирок сүйүп жашаган да өзүнчө керемет экен. Сүйүү каалагандай келе берет тура... Эмнегедир жааган кар, жашоо керемет сезилип, жашоого кызыгуу ойгонду. Келерки жылдан сүйүү, бакыт, өзгөрүү күтөм...
