Дуба окутканбы? Күйөөм үч балам менен бизди таштап, кача баштады

20-август, 20:00

1 006 ᠌ ᠌ ᠌ ᠌᠌ ᠌ ᠌᠌

Бүтпөгөн көртирликтин айынан күйөөм Россияга кеткенине жети айдын жүзү болду. Колумда сегиз айлык кызым, дагы эки жашар, төрт жашар балдарым бар. Дайыны жок болгондон кийин чалсам албайт. Мени блокко салып коюптур. Башка номерлер менен чалсам алат да, сүйлөсөм өчүрүп коёт. Өзгөрүп жатат. Ажырашып кетүү оюмда жок. Үч баламды атасыз калтыргым келбейт. Күйөөм башканы таба калып, үй-бүлөсүн, бала-чакасын дароо эле жашоосунан чийип салдыбы? Мен бул күнгө чейин кандай адам менен жашап келгем? Эсиме келе албай эңгиреп отурам. Же “башканы таап алгам” деп ачык эле айтпайбы? Мына бүгүнкү аталардын жүзү! Кантсе да үмүт үзүлбөйт экен...

Ал мындай кылмак эмес. Жаңы тапкан көңүлдөшү дуба окутканбы?..

Бермет 

"Азия Ньюс" гезити