“Киришчээк кайнатам менен жалкоо кайын сиңдимден кетким келет”

10-ноябрь, 19:26

2 639 ᠌ ᠌ ᠌ ᠌᠌ ᠌ ᠌᠌

Мен 23 жаштамын, эки балам бар. Жакында кайним үйлөнүп, абысындуу болдум. Биз улуусубуз, негизги алар кайненемдер менен калышы керек эле. Бирок, “бөлүнөбүз, үй салып чыгып кетебиз” дейт.  Кайненем да алардыкын туура көрүүдө.

Жолдошум да бөлүнгүсү жок. “Ал келин карыганда ата-энемди кор кылат, өзүбүз карайбыз, биз менен жашайт” деп болбойт. Биз кайненемдер менен жашаганыбызга алты жыл болду. Кайненем жакшы эле адам, кайнатам киришчээк да, “идишти “мила” менен жууба, тамактын тузун көп кылып коюпсуң, нанга дрожь кошпой кыл” деп майда ишиме чейин кирише берет. А кайын сиңдим болсо   жардам бербейт, кечке жатат. Ошолордон тажап, бөлүнгүм келет. Кандай кылсам болот? Азырынча эки келин бир үйдөбүз. Чатакташып кетпейли деп араң жүргөн кезибиз.