Прогноз погоды в городе Бишкек
Акыркы кабарлар
» » “Күйөөмдүн көзүмө чөп салуусуна дагы көз жумушум керекпи?”

“Күйөөмдүн көзүмө чөп салуусуна дагы көз жумушум керекпи?”

05-июль, 12:46
2 186 ᠌ ᠌ ᠌ ᠌᠌ ᠌ ᠌᠌

Турмушка чыкканыма 9 жыл болду. Өзүм сүйүп, өз каалоом менен турмуш жолуна аттангам. Кайненем менен чогуу тургандыктан, ал мени жамандай берип, жолдошумдун мүнөзү өзгөрүлүп кетти. Апасынын ою менен болуп, мага жана ортобуздагы үч кызыбызга убактысын да, акчасын да короткусу келбейт. Урушарга сөз таппай, болор-болбос нерселерди айтып жаңжал чыгарып, үйдөн кетип калмайды адат кылып алды. Ал мени урбайт, бирок анын жүрөктү ооруткан заар сөздөрүнөн тажадым. Эми мунун баары аз келгенсип, дагы бир маселе пайда болду. 

Үйдө болгондо телефонуна бирөө чалса эле башка бөлмөгө чыгып кетчү. Өткөндө да чалуу келип жатканынан карасам, “Жаным” деп сакталган номер экен. Ал ким экенин сураштырсам, “ал менин ойношум. Сенин ишиң болбосун!” деп оозумду ачырды. Ичим өрттөнүп, ошол жерден жерге кирип кетейин дедим. Андан негедир бул нерсени күтпөптүрмүн. Ошондо ызама чыдабай кыздарымды алып, апамдыкына кетип калгам. Ичимден кайра кайтып келбейм деп ойлогонум менен бир айдан кийин кечирим сурап барган күйөөмдү ээрчип кайра келдим. Кайненеме Кудай берип салды, мурункудан да тили узарып, мени кордогонун койбойт. Күйөөм болсо экинчи тигиниси менен сүйлөшпөсүн убада кылганы менен телефонундагы “жанын” дагы деле өчүрбөптүр. Үйгө эрте келип, бизге аз да болсо көңүл буруп, мурункудай ороңдобой калганынан “чын эле өзгөрүүгө аракет кылып жатат го деп унчукпадым. Бирок жашоого көңүлүм жок, чөгүп кеттим. Акыркы убактарда “балдарым үчүн жашаймбы же өзүм үчүн жашаймбы?” деп өзүмө-өзүм суроо берем. Ушунча жыл жолдошумдун басынтуусуна чыдап келсем, эми көзүмө чөп салуусуна дагы көз жумушум керекпи?

Жыпара
Бөлүшүү:



Тектеш материалдар:

Эң көп окулгандар
Жөтөлдөн айыгууга сонун рецепттерди сунуштайбыз. Сактап коюңуз!
“Казакстанда коронавирус катталды” деген билдирүү тарап жатат
(Видео) Индиядан келген дааватчылар милицияга баш ийбей коюшкан
“30-апрелде карантин токтосо, 100 миңдеген адамдардын өмүрүнө коркунуч келтиребиз”
(Видео) Садыр Жапаров кудаларына тебетей тараткан тасма тарады
Калдарбек Абдраманов: “Эч кандай экинчи-үчүнчү толкун жок, болбойт дагы!”
(Видео) Президенттикке талапкер Клара Сооронкулованын ичип, чеккени бузулганыбы?
Aryba.kg - Маалымат порталы
Сайтка баа бер