Нургүл Акимова: “Жыл жыйынтыгын карасак, экономика тармагы жаман эмес”
-- Эски жыл соңуна чыгып келе жатат. Экономика тармагында эмнеге жетиштик?
-- 2022-жылдын 11 айынын жыйынтыгын карай турган болсок, экономика тармагы жаман эмес. Ички дүң продукция 7 пайызга өстү, анын ичинде өнөр жай тармагы 14 пайызга көбөйдү. Анын катарында айыл чарба тармагы позитивдүү тенденцияга ээ (6,4%). Терс жактарын айта кетсек, анда экспорттун көлөмүнүн азаюусуна сомдун куну арзандаганы себеп болду.
Жалпысынан карасак, Кыргызстан үчүн быйыл өнөр жай тармагынан түшүмдүү болду. Жаңы ишканалар ачылып, инфраструктуралык долбоорлор ишке ашырылып келатат. Туризм, жеңил өнөр жай жана айыл чарба тармактары кыргыз экономикасынын жумушчу орун түзүү аспектисинде негизги ролду ойнойт. Бул тармактардын өсүшү эл иш менен камсыз экенинен кабар берет.
Жамиля Нурманбетова
"Азия Ньюс" гезити
